• O Goberno aprobou o proxecto de real decreto polo que se regulan as subvencións para a adquisición de vehículos eléctricos en 2013.
• A finalidade destas axudas é fomentar o desenvolvemento da mobilidade eléctrica pola súa contribución á mellora do sector do transporte, da eficiencia enerxética, redución de emisións e respecto ao medioambiente e unha menor dependencia enerxética do exterior e dos combustibles fósiles no noso país.

O Consello de Ministros aprobou o proxecto de real decreto polo que se regula a concesión directa de subvencións para a adquisición de vehículos eléctricos en 2013.

O novo real decreto permitirá continuar co impulso xa realizado en 2012 ao vehículo eléctrico mediante a concesión de subvencións por parte do Ministerio de industria, Enerxía e Turismo á súa adquisición, estando dotada a liña cun total de 10 millóns de euros a tal fin, a mesma cifra que en 2012.

As axudas concédense para a adquisición, operacións de financiamento por leasing.

Son subvencionables os cuadriciclos, turismos, furgóns, furgonetas e autocares eléctricos novos, entendendo como tales aqueles cuxa enerxía de propulsión procede, total ou parcialmente, da electricidade das súas baterías, cargadas a través da rede eléctrica.

A contía das axudas varían dependendo do tipo de vehículo a adquirir e da súa autonomía en modo de funcionamento exclusivamente eléctrico.

O prazo de solicitudes será ata o 30 de outubro para vehículos xa matriculados, ou ata o 30 de agosto para aqueles vehículos pendentes de matricular no momento da solicitude. Acéptanse vehículos matriculados a partir do 1 de xaneiro de 2013.

Esta medida supón respecto ao 2012 unha simplificación da tramitación, ao realizarse a solicitude de forma electrónica.

Para máis información, pode acceder ao Portal axudas.